Экскурция сабагы: Педагогикалык, психологиялык жана методикалык сабактардын өзгөчөлүктөрү

2025-жылдын 24-октябрында Педагогикалык колледждин БКМк-3-23 тобунда окутуучу Бакеева Н.Ж. тарабынан “Экскурция сабагы” деген темада ачык саат өткөрүлдү.

Иш-чаранын негизги максаты — студенттерге экскурсиялык сабактарды уюштуруунун педагогикалык, психологиялык жана методикалык өзгөчөлүктөрүн түшүндүрүү, келечектеги мугалимдерде экскурсияны окуу процесси менен айкалыштыра билүү көндүмдөрүн калыптандыруу болду.

Ачык саатта окутуучу экскурсиянын окутуудагы ролун, анын этаптарын жана мазмундук багыттарын кеңири ачып берди. Сабак интерактивдүү форматта өтүп, студенттер чакан топтордо иштөө, экскурсиянын максатын аныктоо, маршрут түзүү жана методикалык карта даярдоо сыяктуу практикалык тапшырмаларды аткарышты.

Методикалык жактан иш-чарада мээ чабуулу, дискуссия, кластер түзүү, топтук иш жана рефлексия сыяктуу активдүү окутуу ыкмалары колдонулду. Бул ыкмалар студенттердин кызыгуусун арттырып, өз алдынча ой жүгүртүүсүн, чыгармачылыгын жана педагогикалык компетенциясын өнүктүрдү.

Ачык сааттын жыйынтыгында студенттер экскурсияны билим берүү процессинде колдонуу ыкмаларын өздөштүрүп, анын таанып-билүү жана тарбиялык маанисин түшүнүштү. Иш-чара жогорку илимий жана методикалык деңгээлде өтүп, окутуучунун кесиптик чеберчилигин жана инновациялык ыкмаларды колдонуу жөндөмүн айкын көрсөттү.

Жыйынтык: Бакеева Н.Ж.нын “Экскурция сабагы” темасындагы ачык сааты — студенттердин педагогикалык даярдыгын өркүндөтүүгө, методикалык маданиятын калыптандырууга жана келечектеги кесиптик ишмердүүлүккө багыт берүүчү үлгүлүү иш болуп саналат.