МЧББ адистигинде жыйынтыктоочу конференция болуп өттү

Үстүбүздөгү жылдын 19-декабрь күнү Жалал-Абад педагогикалык колледжинин МЧББ адистигинде МЧББб,к-2-22 тайпасынын педагогикалык практикасынын жыйынтыктоочу конференциясы болуп өттү. Тайпанын студенттери шаарыбыздагы мектепке чейинки билим берүү уюмдарында 6 жума практикада болуп кайтышкан. Жыйынтыктоочу конференцияда студенттер бала бакчаларда тарбиячылардан алган тажрыйбаларын, билимин бекемдеген учурларды чагылдырган презентация жасап, жасаган көрсөтмө куралдарын көрсөтүп, отчетторун тапшырып, бааларын угушту. Ар бир студент кийинки практикага өз сунушун, пикирин билдирип, өзү үчүн жаңылык болгон учуру менен бөлүшүп, конференция жандуу жана кызык өттү. Конференцияга иш берүүчүлөрдөн  №23 “Билимтай” мектепке чейинки билим берүү уюмунун директору К.Н.Орозбайева, №19 “Коңгуроочо” мектепке чейинки билим берүү уюмунун усулчусу Ж.Т.Момбековалар да чакырылган. Чакырылган коноктор да өз пикирлери менен бөлүшүп, студенттерге кийинки практикада ийгилик каалашты.