Тил билсең -дил билесиң” аталышындагы илимий конференция болуп өттү

Жалал-Абад педагогикалык колледжинин чет тилдер  ПЦКсында, окутуучулардын жана студенттердин педагогикалык чыгармачылыгын арттыруу максатында уюштурулуп жаткан педагогикалык жумалыктын алкагындагы “Тил билсең -дил билесиң” аталышындагы илимий конференция болуп өттү.Конференциясынын максаты – тил үйрөнүүнүн, анын ичинде өзгөчө эне тилди жана башка тилдерди үйрөнүүнүн маанисин белгилөө жана тил аркылуу элдердин маданиятын, салт-санаасын, дүйнө таанымын түшүнүүнү өркүндөтүү.

Бул иш-чара коомчулугубуздун биримдигин чыңдоого, тилдин жана адабияттын байлыгын жайылтууга чоң мүмкүнчүлүк түзөт. Иш - чараны ЖАПКнын директору Маматумаров Абубакир Таштемирович ачып берди. Конференциянын сыйлуу коноктору филология илимдеринин доктору, профессор Калчакеев Кубанычбек Бекболотович, «Аннур Эдукаре» окуу борборунун жетекчиси Оторбаев Улан Казыбекович , кытай тили адистигинин окутуучусу Гао Шуанин катышып, пайдалуу кеңештери жана өздөрүнүн тажрыйбалары менен бөлүшүштү.Колледждин Чет тили (англис тили жана кытай тили) адистигинин студенттери “Тил билсең -дил билесиң” аттуу тема боюнча баяндама жасашты. Темасын жеткиликтүү ачып берген студенттер I, II, III даражадагы дипломдор менен сыйланышты.