АРЗИБЕКОВА АСИЯ ГРАНТ УТУП АЛДЫ 

22-декабрь күнү Б.Осмонов атындагы Жалал-Абад мамлекеттик университетинин Э. Уметов атындагы педагогикалык факультетинин БАС кафедрасынын ИЭТ-1-22 тайпасынын студенти Арзибекова Асия Калыбековна Кыргыз Республикасынын билим берүү жана илим министрлиги тарабынан жарыяланган “студенттик стартап” пилоттук программасынын негизинде  “Айыл чарба санариби “Мал-Жан-Санак” аталыштагы бизнес долбоору менен катышып, конкурска  ат салышкан 1400 катышуучу студенттердин  ичинен этаптык тандалуудан  долбоору өтүп, гранттык негизде 770 миң сом акчалай долбоор утуп алды. Арзибекова Асияга жетекчилери катары доцент Сапарбек Ажыкулов, улук окутуучу  Рафаэль Шеркулов бир топ долбоорлорго катыштырып ушул долбоорго жеңишине себепчи болушту. Долбоордук комиссияга төрагалык кылган КР министрлер кабинетинин төрагасынын орун басары Эдил Байсалов, Кыргыз Республикасынын билим берүү жана илим министринин орун басары Расул Абазбек уулу жана бир катар министрликтердин өкүлдөрү онлайн жана оффлайн форматтарда катышып күбө болуп турушту.

Кошумчалай кетсек кафедра башчыбыз доцент Сапарбек Ажыкулов биздин багытта окуган студенттерге “3D модельдөө, робототехника, мехатроника” лабороториясынын башчысы катары көптөгөн студенттерге багыт берип келе жатат. Ошолордун ичиинен Арзибекова Асия кызыбыз кафедранын студенттерин ичинен алгачкы ийгиликтерин жаратып жатат. БАС кафедрасында негизинен  жаңы идеялары менен бизнес инкубатор стартап-проектке 5-6 студент катышып жатат. Алдыда дагы да көптөгөн ийгиликтерди багынтабыз деген ойдобуз. А. Арзибекова андан сырткары доцент Сапарбек Ажыкулов агайдын жетектөөсүндө ачылган “3D модельдөө, робототехника, мехатроника” лабороториясынын активдүү мүчөсү. Дуйнөгө өзгөчө көз караш менен караган жаркылдак кызыбыздан келечекте мындан да жакшы ийгиликтерди жаратышына ишенебиз деп аталган кафедрадан билдиришти.