Санарип инструменттерди окуу процессинде колдонуу

2025-жылдын апрель айында Э. Уметов атындагы педагогикалык факультетинде «Окуу-усулдук иштердеги традицияны жана инновацияны жайылтуу» айынын алкагында маанилүү илимий семинар өттү. Семинарды БАС кафедрасынын ага окутуучусу Батырова Ырыскан Мийзамовна «Санарип инструменттерди окуу процессинде колдонуу» атуу темада өткөрдү. Семинарда азыркы билим берүү системасындагы санариптик технологиялардын ролу, алардын окуу процесси үчүн кандайча маанилүү болуп жаткандыгы тууралуу терең талкуу болду.

Ырыскан Мийзамовна семинарда санариптик инструменттерди колдонуу менен окуу процесси кандайча натыйжалуу боло ала тургандыгын айтып, билим берүүдөгү инновацияларга болгон көз-карашын бөлүштү. Ал ошондой эле студенттерди жана окутуучуларды санариптик технологияларды окутуу ыкмалары менен жакшыраак тааныштырып, алардын билим алуусунда колдонулган жаңы инструменттерди туура жана эффективдүү колдонуу жолдору тууралуу маалымат берди.

Бул иш-чара факультеттин профессордук-окутуучулук курамы үчүн жаңы билимдерди алып келүү менен эле чектелбей, окуу процесстерин санариптик куралдар менен өркүндөтүүнүн маанилүүлүгүн көрсөттү. Ушул сыяктуу семинарлар билим берүү сапатын жогорулатуу жана инновацияларды жайылтуу максатында факультеттин окуу жана изилдөө иштерине жаңы дем берип жатат.

Э. Уметов атындагы педагогикалык факультети алдыга койгон максаттарды ишке ашыруу үчүн, окутуучуларды дайыма жаңычылдыкка, жаңы ыкмаларды жана технологияларды колдонууга шыктандырууну улантат.