ААЛАМДЫ АЛАКАНГА БАТЫРГАН АЙТМАТОВ

Э.Уметов атындагы педагогикалык факультетинде 13-декабрь  Чынгыз Айтматовдун 96 жылдыгына карата башкаруунун автоматташтырылган системасы кафедрасы тарабынан уюштурулган «Ааламды алаканга батырган Айтматов» аттуу факультеттик деңгээлде иш чара болуп өттү.

 Бул иш-чарага Э.Уметов атындагы педагогикалык факультетинин деканы, ф.и.д., профессор Токоева Г.С., башкаруунун автоматташтырылган системасы кафедрасынын башчысы, п.и.к., доцент Ажыкулов С.М., БАС кафедрасынын профессордук-окутуучулук курамы жана студенттери катышты. Алгач таймашты факультеттин деканы жана БАС кафедрасынын башчысы ачып беришти. Бул жарышта ар бир кафедранын студенттери Ч.Айтматовдун чыгармаларынан монолог айтуу жана көркөм окуу боюнча таймашышты. Ар бир катышуучу Айтматовдун чыгармаларына байланыштуу берилген тапшырмаларды аткарып, өз билимдерин, актердук чеберчиликтерин жана чыгармачылык жөндөмдөрүн көрсөттү. Таймаштын жүрүшүндө студенттер жазуучунун чыгармаларындагы терең философиялык ойлорду жана адамзаттык баалуулуктарды өз алдынча түшүнүүгө аракет кылышты. Бул иш-чара аркылуу студенттер Айтматовдун чыгармачылыгына жаңы көз караш менен карап, анын дүйнөлүк адабияттагы ордун дагы бир жолу түшүнүштү.

Мыкты даярдыгы жана креативдүүлүгү менен айырмаланган студенттер уюштуруучулар тарабынан дипломдор менен сыйланышты. Биринчиликти БАС кафедрасынын ИЭТ-2-24 тайпасынын студенти Азамат кызы Мээримжан ээледи, экинчи оорунду тарых кафедрасынын Т-1-22 тайпасынын студенти

Орунбаева Жасмина алды, үчүнчүлүктү физика жана информатика кафедрасынын ФИ-1-24 тайпасынын студенти Келдибаева Асема  ээледи. Иш-чаранын аягында Токоева Г.С жана Ажыкулов С.М. чыгып сүйлөп студенттердин андан ары окууларына жана алдыда келе жаткан кышкы сессияларына ийгиликтерди каалап сөзүн жыйынтыкташты.