ЖАМУ, Конфуций институту: «Кытай тили менен кыялдарды багындыр, убакытты текке кетирбе»
Конфуций институтунун студенттери “Кытай көпүрөсү” сынагынын Кыргызстан боюнча аймактык турунда мыкты жыйынтыкка жетишти!
2026-жылдын 16-апрелинде Кытайдын Кыргызстандагы Элчилиги тарабынан уюштурулуп, Кыргыз улуттук университетинин Конфуций институту менен Ош мамлекеттик университетинин Конфуций институту тарабынан уюштурулган XIX «Кытай көпүрөсү» дүйнөлүк орто билим берүү мекемелер, колледждер арасындагы кытай тили боюнча сынактын Кыргызстандагы аймактык туру Ош мамлекеттик университетинин Конфуций институтунда ийгиликтүү болуп өттү.
Жалал-Абад мамлекеттик университетинин Конфуций институту бул сынакка төрт мыкты студентин жиберип, бардык катышуучулар өздөрүн тынч, ишенимдүү кармап, мыкты даярдыгын көрсөтүшүп, жыйынтыгында эки студент – Озгонбаева Мухлиса жана Осмонова Нурзада аймактык турдан алдыңкы орунга жетишти. Тойчубекова Кызжибек, Токтомаматова Медина да абдан жакшы натыйжа көрсөтүп, «Мыкты катышуучу» наамына ээ болушту.
Иш-чаранын быйылкы темасы — «Кытай тили менен кыялдарды багындыр, убакытты текке кетирбе». Сынак жазма тест, темалык сүйлөө, сүрөт боюнча баяндоо, кытай маданиятынын талант көрсөтүүсү сыяктуу бир нече этаптан туруп, катышуучулардын тил жөндөмүн, маданий билимин жана жалпы компетенциясын ар тараптуу баалады. Катышуучулар таза жана так кытай тилинде кыялдарын айтып, өз өнөрлөрү аркылуу кытай маданиятынын өзгөчө көркүн көрсөтө алышты.
Ар бир жетишкендик - окутуучулар менен студенттердин биргелешкен эмгегинин жемиши. Жалал-Абад мамлекеттик университетинин Конфуций институту эл аралык кытай тили билим берүүсүнө туруктуу көңүл буруп, «сынак аркылуу окутуу жана машыгуу» принциптерин карманат. Институт студенттерге өздөрүн көрсөтүүгө жана тажрыйба алмашууга сапаттуу аянтча түзүп, Кыргызстандагы жаштардын кытай тили аркылуу достук көпүрөсүн куруусуна, кыялдарын ишке ашыруусуна өбөлгө түзүп келет.
Бардык сыйлык ээлерин чын жүрөктөн куттуктайбыз! Финалга өткөн эки студентке алдыдагы таймашта да жаркырап чыгып, кыргыз-кытай жаштарынын достугун чагылдырган күч-кубатты көргөзүүлөрүн каалайбыз!
