КОНФУЦИЙДЕ «ЧУНЬЦЗЕ» МАЙРАМЫ БЕЛГИЛЕНДИ

ЖАМУнун алдындагы Конфуций институтунунун тил үйрөнүүчүлөрү Кытай «Чуньцзе» Жаңы жыл майрамын белгилешти.

Иш-чарага институтуттун окуу пункттарынын студенттери кызыгуу менен катышып беришти. Кытай директор Фу Хунжүн жана кыргыз директор Шакирова Мавлюда Рысбаевна сөзгө чыгышып, мугалимдерди жана студенттерди кызуу куттуктап, аларга жакшы каалоо-тилектерин айтышты.

Кытайлыктар үчүн бул жыл жашыл дракон деп аталып, акылдуулуктун, руханий байлыктын, барлык-жетишкендиктин жылы катары каралат.

Жаны жылдык лекция, суроо-жооп рубрикасы, оюн-зооктор, чыгармачыл номерлер, кичи конкурстар, майрамдык фотосессия кеченин жүрүшүнө шаң берип, катышуучулар үчүн таанып билүүчүлүгү, маалыматтуулугу менен  пайдалуу жана кызыктуу болду. 

Бул жолку Жаңы жылдык иш-чара студенттердин маданий жашоосун гана байытпастан, алардын кытай тилин жана салттуу маданиятын үйрөнүүгө кызыгуусун дагы да арттырды.