HSK СЫНАКТАРЫ - МҮМКҮНЧҮЛҮК 

Конфуций институтунун тил үйрөнүүчүлөрү HSK1, HSK2, HSK3, HSK4, HSK5, HSK6 жана HSKK сынактарын ийгиликтүү тапшырышты. 2024-жылдын 8-декабрында өткөрүлгөн сынакка 181 тил үйрөнүүчү катышты. Ар бир тил үйрөнүүчү бул экзаменге атайын даярдыктар менен келишкен. Албетте, жогорку балл менен өткөндөргө КНРдин жогорку окуу жайларында стажировкадан өтүп келүү мүмкүнчүлүгү пайда болот.

Катышуучулардын көпчүлүгү – ЖАКтын кытай тили адистигинде окуп жаткан студенттер.  Алардын айтуусунда, адистикке тиешелүү сабактардан сырткары кытай тили курстарынан дагы кошумча сабак алышууда.  Мындан мурдагы сынактардан ийгиликтүү өтүшкөн студенттер КНРдеги 100 топтун ичине кирген  Пекин, Шанхай, Чэнду, Үрүмчү ж.б окуу жайлары менен келишим түзүшүп, стажировкага чакырылган. Учурда ЖАМУнун Конфуций институтунун бир топ тил үйрөнүүчүлөрү Кытайда стажировкадан өтүп жатышат.