РЕКТОРДУК БАЛ - 2024

Б.Осмонов атындагы Жалал-Абад мамлекеттик университетинде жаңы жылга карата студенттерге арналган майрамдык “ЖАМУда көгүлтүр от - 2024” аттуу ректордук бал Жалал-Абад шаарындагы “Ак Бата гранд” ресторанында болуп өттү. Салтанаттуу иш-чарага ЖАМУнун проректорлору, факультеттердин жана колледждердин декандары, директорлору жана окууда өзгөчөлөнгөн, коомдук-маданий иш чараларда активдүүлүгүн көрсөткөн жана ар түрдүү мелдештерде жеңишке жетишкен студенттер катышты.

Иш чараны ЖАМУнун илимий иштер жана инновациялар боюнча проректору, техника илимдеринин кандидаты Куваков Сталбек Женишбекович куттуктоо сөзү менен ачып, өтүп бараткан жылда окууда жана коомдук иштерде өзгөчөлөнгөн ийгиликтер менен жыйынтыктап жаткан студенттерге окуу жайдын ректору тех. и. д., профессор Кеңешбек Усеновдун колу коюлган түрдүү номинацияларды ыйгаруу менен ардак грамота, диплом жана баалуу белектерди тапшырды.

Андан кийин мукамдуу музыканын коштоосунда жагымдуу музыка жаңырып, аземдин катышуучуларына МЭБдин адистери майрамдык маанай тартуулады. Алардын кубанычын тең бөлүшүп келген факультеттин декандары жана коллежддердин директорлору майрамдык куттуктоолорун айтып, жаңы жылга карата ак тилектерин билдиришти. Жогорку окуу жайыбыздын ректораты жана кесиптик бирлик комитети тарабынан студенттерге атайын көңүл бурулуп ушундай салатанаттуу аземде сый көрсөтүп жаткандыгы бизди жаңы жылга карата жаңыча ийгиликтерге кайраттандырууда,– дейт ЖАМУнун Жаштар иштери боюнча адиси Адилет Усенов.