«Эне тил –  улут уңгусу»  студенттердин фестивалы

Кыргыз Республикасынын Президентинин “Улуттук нарк жөнүндө”, “Инсандын руханий-адеп-ахлактык өнүгүүсү жана дене тарбиясы жөнүндө” Жарлыктарын, 2021-2026-жылдары Кыргыз Республикасында Кыргыз Жараны деп жарандардын өзүн таануусун өнүктүрүүнүн концепциясын аткаруунун алгагында жана 21-февраль – Эл аралык эне тил күнүн белгилөөгө карата  «Эне тил –  улут уңгусу»  аталышта студенттер арасында фестиваль  университеттин Р.Абдыкадыров атындагы чоң жыйындар залында болуп өттү. Фестивалды университеттин мамлекеттик тил жана тил саясаты боюнча проректору А.Д.Доранова ачып, “21-февраль – Эл аралык эне тил күнү” карата университеттин ректору К.Ж.Усеновдун куттуктоосун жолдоп, фестивалдын катышучуларына ийгилик каалады. 

Фестивалдын максаты, ар бир элдин тилин, тарыхын, маданиятын,  каада-салтын сактоого жана жакындан тааныштырууга, даңазалоого шарт түзүү, өз мекенине, элине, эне тилине болгон сый-урматты кеңейтүү,  көп тилдүү билим берүүгө багыт берүү, элдер жана улуттар аралык достук мамилелерди, карым-катнашты чыңдоо.

Фестивалга 8 команда катышып  өз өнөрлөрүн тартуулашты:

1.      Кыргыз тили командасы - даярдаган филология факультетинин кыргыз тили жана адабияты кафедрасы;

2.      Орус тил командасы – даярдаган филология факультетинин орус филологиясы кафедрасы;

3.      Өзбек тили командасы – даярдаган филология факультетинин тарбия иштери боюнча декандын орун басары Осмонова К.И.; 

4.      Түрк тили командасы – даярдаган филология факультетинин лингвистика жана маданияттар аралык байланыш кафедрасы;

5.      Англис тили командасы - филология факультетинин англис тили жана адабияты кафедрасы;

6.      Немец тили командасы - филология факультетинин немец тили жана факультеттер аралык чет тили кафедрасы;

7.      Кытай тили командасы - Конфуций институтунун жамааты;

8.      Индия тили командасы - Медициналык факультети.

Фестивалдын катышуучулары көрсөтүлгөн мөөнөттө жана жобого ылайык төмөндөгүдөй жанрларды жана шарттарды эске алуу менен 25-30 мүнөттүн ичинде  өз өнөрлөрүн тартуулашаты. Иш-чарага катышкан командалар жана жобонун негизинде мыкты номер даярдап келген жана аткарган катышуучулар  университеттин дипломдору менен сыйланышты.

Фестивалдын уюштуруучулары жана жумушчу тобу: ЖАМУнун мамлекеттик тил жана тил саясаты боюнча проректору, мамлекеттик тил борбору, маданий-эстетикалык борбору, жаштар комитети, филология факультети, медициналык факультети, Конфуций институту.