Туруктуу өнүгүү максаттарында: Практика сапатын жогорулатуу — студенттерге жеринде усулдук колдоо

Экономика жана укук колледжинин «Укук таануу» адистигинин практика жетекчилери окуу-таанышуу практикасынан өтүп жаткан студенттерге усулдук жардам көрсөтүү максатында Манас шаарындагы жана Сузак районундагы мекеме-ишканаларга атайын иш сапары менен барышты. Бул демилге билим берүү процессинин сапатын жогорулатууга жана студенттердин теориялык билимин практикалык тажрыйба менен айкалыштырууга багытталган маанилүү кадам болду.

Иш сапардын жүрүшүндө жетекчилер практиканттардын иш ордундагы ишмердүүлүгү менен таанышып, аларга кесиптик багытта кеңештерди берип, окуу программасына ылайык тапшырмаларды туура аткаруу боюнча түшүндүрмөлөрдү беришти. Ошондой эле мекеме кызматкерлери менен пикир алмашуу жүргүзүлүп, студенттердин практикадан алган тажрыйбасын натыйжалуу уюштуруу маселелери талкууланды.

Бул иш-чара туруктуу өнүгүү максаттарынын алкагында сапаттуу билим берүүнү камсыз кылуу, жаш адистердин кесиптик көндүмдөрүн өнүктүрүү жана эмгек рыногуна даярдоону күчөтүү багытында өзгөчө мааниге ээ. Жеринде көрсөтүлгөн усулдук жардам студенттердин өз алдынча иштөө жөндөмүн арттырып, келечектеги кесиптик ишмердүүлүгүнө ишенимдүү кадам таштоосуна өбөлгө түзөт.

Мындай практикалык колдоолор билим берүү менен өндүрүштүн байланышын чыңдап, атаандаштыкка жөндөмдүү, компетенттүү адистерди даярдоого өбөлгө түзгөн натыйжалуу механизм болуп саналат.