«Ала-Тоодон ааламга үн салган Айтматов»
Бекмамат Осмонов атындагы Жалал-Абад мамлекеттик университетинин Экономика жана укук колледжинде 2025-жылдын 12-декабрында улуу кыргыз жазуучусу, коомдук ишмер Чыңгыз Төрөкулович Айтматовдун туулган күнүнө арналган «Ала-Тоодон ааламга үн салган Айтматов» аттуу маданий иш-чара жогорку деңгээлде өткөрүлдү.
Иш-чара Экономика предметтик-циклдик комиссиясынын төрайымы З.М. Ахмедова, ошондой эле окутуучулар А.Ж. Айдарбекова жана А.К. Курманбекова тарабынан уюштурулду.
Маданий иш-чарага Бекмамат Осмонов атындагы ЖАМУнун мамлекеттик тил жана тил саясаты боюнча адиси Ү.Т. Кайкыева, Экономика жана укук колледжинин директору А.А. Ташматова, ошондой эле колледждин окутуучулары катышты.
Иш-чаранын жүрүшүндө Экономика ПЦКсынын студенттери Чыңгыз Айтматовдун чыгармаларынан алынган кыскача сахналык көрүнүштөрдү, көркөм окууларды жана ыр-саптарды аткарып, улуу жазуучунун чыгармачылыгына болгон терең урмат-сыйын көрсөтүштү. Мындан тышкары, студенттер кыргыз элинин улуттук бийлерди бийлеп, ырларды аткарып, иш-чаранын көркүн ачышты.
Коноктор студенттердин чыгармачылык программасын жогору баалап, мындай иш-чаралар жаштардын руханий дүйнөсүн байытып, Айтматовдун улуу мурасын даңазалоодо маанилүү роль ойноорун белгилешти.
ЖАМУнун мамлекеттик тил жана тил саясаты боюнча адиси Кайкыева Үлпат Тагаевна өз сөзүндө иш-чара жогорку деңгээлде өткөнүн белгилеп, азыркы жаштар Чыңгыз Айтматовдун чыгармаларын унутпай, аны даңазалап жүрүшү кубандыраарын баса белгиледи.
Бул маданий иш-чара улуу жазуучунун чыгармаларын жаш муунга кеңири таанытып, анын руханий мурасын терең түшүнүүгө өбөлгө түздү.
