Чыңгыз Айтматовдун туулган күнүнө арналган куратордук сааттар

 Экономика жана укук колледжинин дубалдары бүгүн өзгөчө нурга бөлөндү. Улуу жазуучу, кыргыз элинин сыймыгы Чыңгыз Айтматовдун туулган күнүнө карата жалпы куратордук сааттар өткөрүлүп, ар бир аудиторияда анын чыгармаларынын деми сезилип турду. Студенттер Айтматовдун терең философияга сугарылган чыгармаларынан үзүндүлөрдү окуп, анын сөздөрүндөгү адамзатка болгон сүйүүнү жана мекенчилдикти жүрөктөрүнө сиңиришти. Ар бир куратордук саатта жаштар жазуучунун ой дүйнөсүнө саякаттап, анын калеминен жаралган каармандар менен бирге жашап өткөндөй таасир алышты. Бул күн колледждин студенттери үчүн жөн гана адабият сабагы эмес, руханий байлыкка толгон майрам болду. Айтматовдун чыгармалары аркылуу жаштар өздөрүнүн келечегине ишеним менен карап, адамгерчилик жана адилеттүүлүк сыяктуу баалуулуктарды терең түшүнүштү.