ООГАН АРДАГЕРЛЕРИ МЕНЕН ЖОЛУГУШУУ

15-февраль ооганчылар күнүн утурлап  Б.Осмонов атындагы ЖАМУнун медициналык колледжинде  студенттер  Ооган ардагерлери менен жолукту.  Жолугушууга  ардагерлер  Сабиров Камчыбек, Шерматов Абдужапар, Мамытов Марат конок болуп келишти.  Негизги максат студенттерге  Ата-Мекенин сүйүүгө жана анын баалуулуктарын сактоого, Мекендин өсүп-өнүгүүсүнө өз салымын кошууга жоопкерчиликтүү экенин, Афганистандагы согуш  жөнүндө түшүнүк берүү менен студенттерди  патриоттулукка,эли-жерин сүйүү менен гана чектелбестен улуттар аралык ынтымакта жашоого тарбияланууга чакырат. Ардагерлер  өздөрүнүн башынан өткөн окуяларын  слайд, видео материалдар, ырлар  менен баяндап беришти. Мамытов Марат  согуш убагындагы үрөй учурган окуяларды эскерүү менен  айтып берди. Сабиров Камчыбектин аткаруусундагы  автордук чыгарма Афганистан аттуу ыры менен жолугушуу жыйынтыкталды. Ардагерлерге белектер берилди.