АЛДЫҢКЫ ТАЖРЫЙБА БОРБОРУНДА ЭЛ АРАЛЫК ЭНЕ ТИЛ КҮНҮ БЕЛГИЛЕНҮҮДӨ

Кыргыз Республикасынын Билим берүү жана илим министрлигинин 2024-жылдын 6-февралындагы “Эл аралык эне тил күнүн белгилөө жөнүндө” №182/1 буйругун жетекчиликке алуу менен Жалал-Абад колледжинде график бекитилип, түрдүү иш-чаралар өтүп жатат. Алардын бири – гуманитардык илимдер ПЦКсы тарабынан тайпалар арасында дубал гезит конкурсу уюштурулду. Конкурстун максаты: студенттерди тил үйрөнүүгө, эне тилди барктоого чакыруу жана алардын креативдүү ой жүгүртүүсүн өстүрүү. Конкурстун жүрүшүндө тайпалар дүйнөлүк эне тилдерди кадырлоо, барктоо, аларды сый-урмат менен кабылдоо көрүнүштөрдү сүрөт аркылуу чагылдырып беришти. Жыйынтыгында: 1-орунга АТк-7-23, 2-орунга ПОВТАСк-6-23, АТк-3-23, 3-орунга БАСк-2-23, ПОВТАСк-5-23 тайпалары, ал эми кызыктыруучу сыйлыктарга: АТк-2-23, БАСк-4-23 тайпалары ээ болушту.