УУЛУУ ДЕП ЗАЛКАР ЧЫНГЫЗДЫ, ТААНЫДЫ ДҮЙНӨ КЫРГЫЗДЫ!

Жалал-Абад колледжи Алдыңкы тажырыйба борборунда Манас күнү жана Ч.Айтматовдун 95 жылдыгына карата  2023-жылын 1-декабрынан 30- декабрга чейин түрдүү иш-чаралардын айлык жүрүшү  жарыяланып, графиги бекитилген. 

Графикке ылайык,  гуманитардык илимдер ПЦКсынын окутуучулары тарабынан  залкар жазуучу Ч.Айтматовдун 95 жылдык мааракесине арналган сахналык көрүнүштөрү бар адабий музыкалык кече өткөрүлдү.

Адабий кеченин биринчи бөлүгүндө Айтматовдун чыгармаларынан көркөм окуу жана анын  учкул сөздөрү, экинчи бөлүгүндө “Чыңгыздын алгачкы эмгек акысы - Бир жилик эт”, “Биринчи мугалим”, “Бетме-бет”, “Кыямат”,  “Саманчынын жолу”, “Кылым карытар бир күн”, “Жамийла”, “Кызыл алма”, “Делбирим”, “Эрте келген турналар”, “Ак кеме”  чыгармаларынан сахналык көрүнүштөр, үчүнчү бөлүгүндө  жазуучунун чыгармаларына арналган ыр, бий жана клиптер, жеке номерлер студенттер тарабынан аткарылды.

Андан сырткары Айтматовдун чыгармалары боюнча окутуучулар менен студенттердин өз колдору менен жасалган көргөзмө да уюштурулду. Көргөзмөдө студенттердин тарткан сүрөттөрү, дубал газеталар, том жыйнактары, додекаэдр, Чыңгыздын макети жана кооздолуп жасалган чыгармалардын көрүнүштөрү коюлду.

Студенттер тарабынан Ч.Айтматовдун чыгармаларына кызыгуу артып, таанып билүүчүлүк көндүмдөрү өнүктү. Окутуучулар жамааты дагы сахналык көрүнүштөргө активдүү катышышты.Көрүүчүлөр тарабынан жогорку баа берилди.