ЖАМУнун Жалал-Абад колледжинде окутуучулар арасында стол тенниси боюнча мелдеш өткөрүлдү

ЖАМУнун Жалал-Абад колледжинде окутуучу агайлардын арасында стол тенниси боюнча спорттук мелдеш болуп өттү. Бул иш-чара ден соолукту чыңдоо, сергек жашоо образын калыптандыруу жана эмгек жамаатынын ынтымак-биримдигин бекемдөө максатында уюштурулган.

Мелдешке колледждин ар түрдүү адистиктеринин окутуучулары катышып, жогорку маанайда жана достук шартта оюн көрсөтүштү. Спорттук иш-чаранын жүрүшүндө катышуучулар өзүнүн ыкчамдыгын, тактыгын жана чеберчилигин көрсөтүүгө аракет кылышты. Таймаштар кызыктуу жана жогорку атаандаштыкта өтүп, көрүүчүлөргө да жагымдуу маанай тартуулады.

Мелдеш бир нече этап менен уюштурулуп, оюнчулар топтук жана финалдык айлампаларда күч сынашты. Жыйынтыгында эң мыкты оюн көрсөткөн агайлар ардак грамоталар, дипломдор жана баалуу белектер менен сыйланышты. Мелдештин жеңүүчүлөрүн колледж администрациясы өзгөчө белгилеп, мындай иш-чаралар мындан ары да үзгүлтүксүз өткөрүлөрүн билдирди.

Колледждин жетекчилиги жана уюштуруучулар иш-чаранын ийгиликтүү өтүшүнө салым кошкон бардык катышуучуларга жана колдоочуларга ыраазычылык билдиришти.

Мындай спорттук мелдештер окутуучулардын ортосунда достукту, өз ара урмат-сыйды чыңдап, алардын жумуштан сырткаркы убактысын пайдалуу өткөрүүсүнө өбөлгө түзөт. Жалал-Абад колледжи мындан ары да билим берүү менен катар, маданий жана спорттук иш-чараларды уюштурууну уланта берет.