Б.Осмонов атындагы Жалал-Абад мамлекеттик      университетинин                   

                   Таш-Көмүр инженердик факультетинин “Табийгый илимий дисциплиналар”                                                                                                   (ТИД)    кафедрасынын таржымалы.  

1993-жылы 13-октябрда Таш-Көмүр технологиялык факультетинде,окуу процессин жөнгө салуу үчүн  “Жалпы илимий дисциплиналар” кафедрасы ачылган.Кафедра башчысынын милдетин аткаруучу болуп ф-м.и.к.,доцент Ызабеков Абдували Ызабекович дайындалган.Ошол эле жылы кафедрага тиешелүү дисциплиналар бекитилип.тиешелүү окутуучулар менен камсыз болгон.1995-жылы кафедра башчысы болуп математика мугалими Тампагаров Куштарбек Бекмуратович дайындалат.Тампагаров К.Б. аспирантурага тапшыргандыгына байланыштуу,1998-жылдан кафедраны Ким Ольга Генадьевна жетектейт.2024-жылга чейин кафедрага х.и.к.,доцент Барпыбаев Т.Р.,улук окутуучу Рыскулов И.Р,окутуучу Көчкөнбаев С.А.башчылык кылышкан.Кафедра түзүлгөндөн бери бардык предметтерге тиешелүү кабинеттер талапка жооп бере турган болуп жасалгаланды.2000-жылы факультетте жаңы педагагикалык адистиктер ачылгадыгына байланыштуу “Педагогика” кафедрасы болуп өзгөрүп,кафедра башчысы болуп биология мугалими Борбукова Лидакан Эрмекова дайындалат. Мамлекет  педагогикалык,инженердик,ж.б.адистиктерге муктаж болгондугуна байланыштуу,факультетте зарыл болгон адистиктер ачылып,окутуучулардын жана студенттердин саны көбөйдү.Мезгил талабына ылайык факультеттин кафедралары башка окуу жайлар сыяктуу эле илимий даражалуу адистерге муктаж болду.Учурда каферада эмгектенген бир нече окутуучу,атап айтсак,Тампагаров К.Б-ф-м.и.доктору,профессор.,Ким.О.Г-пед.и.к.,доцент.,Суйналиева Э.-философ.и.к.,доцент.,Султанкулов М.Д.-х.и.к.,доцент.,Атамурзаева Б.М-философ.и.к.,доцент-илимий даражасына ээ болуп,студенттерге билим берип, жаш окутуучуларга насаатчылык кылууда.Илимий потенциалды жогорулатуу үчүн учурда илим менен алектенген окутуучулардын саны көбөйүүдө. Аталган окутуучулар тарабынан алыскы жана жакынкы мамлекеттердеги илимий журналдарга ондогон илимий макалалар жарык көрдү,мисалы Турция,Улуу Британия,Казакстан,Өзбекстан,Россия,Беларусь жана Кыргызстандын көпчүлүк жогорку окуу жайлары.Учурда кафедра “Табийгый илимий дисциплиналар” (ТИД) кафедрасы аталып,2024-жылдан х.и.к.,доцент Султанкулов Медетбек Дыйканбаевич жетектеп келүүдө.Кафедрада жалпы 8 (сегиз)окутуучу,баарысы толук штатта,алардын ичинен 2 (эки)илимдин кандидаты,доцент.,2(эки )улук окутуучу жана 4 (төрт)окутуучу үзүрлүү эмгектенүүдө. Учурда кафедра окутуучулары Нарбаева Айгүл Измайиловна,Жуманалиев Гүлжигит Нурбердиевич  ЖАМУнун аспирантурасында изденүүчү катары илим менен алектенүүдө.Кафедрада “биология” жана “Дене тарбия жана аскерге чейинки даярдоо”адистерин даярдоо милдети коюлган,аккредитациялык сертификаттары бар,даярдоо тиешелүү деңгээлде жүргүзүлүүдө.Кафедрага тиешелүү алты лекциялык жана практикалык аудиториялар бар,баарысы оңдоо-түзөөдөн өтүп,адистиктерге жараша тиешелүү жасалгалоо иштери жүргүзүлгөн.Учурдун талабына жооп берүүчү заманбап спорт комплекси,студенттерди спорттун бардык түрү менен камсыздайт.Баарысы талапка жооп берет.