Кафедра жөнүндө маалымат

ЖАМУнун ректорунун 1996-жылдын 15 майындагы №75 буйругу менен Таш-Көмүр технологиялык факультетинин алдында окутуу-консультативдик пункту (ОКП) ачылып, сырттан окуу бөлүмүнө кыргыз тили жана адабияты, биология, башталгыч билим берүүнүн педагогикасы жана усулу адистиктерине кабыл алуу жүргөн.

1998-1999-окуу жылдарында шаардык жана райондук билим берүү  бөлүмдөрүнүн жетекчилерин жана ата-энелердин өтүнүчтөрүнүн негизинде кыргыз тили жана адабияты, биология, башталгыч билим берүүнүн педагогикасы жана усулу адистиктери боюнча күндүзгү окуу бөлүмүнө кабыл алуу жүргүзүлө баштаган.

2007-жылы “Педагогика” кафедрасында студенттердин көбөйгөндүгүнө байланыштуу “Педагогика жана социалдык  гуманитардык дисциплиналар”  жана “Филология” кафедралары болуп бөлүнгөн.

2011-жылы “Филология” жана “Педагогика  жана социалдык гуманитардык дисциплиналар” кафедралары  бириктирилип “Филология жана Педагогика” кафедрасы  болуп түзүлгөн.

“Филология жана педагогика” кафедрасы тарабынан  билим берүү тармагына зарыл адистерди жогорку деңгээлде даярдоо максатында кафедранын ишмердүүлүгүнүн негизги багыттары белгиленген. Кафедрадан билим алган студенттер облустук билим берүү мекемелеринде, мектептерде, бала-бакчаларда практикадан өтүп, теориялык алган билимдерин практика менен айкалыштырып, өздөрүнүн келечектеги адистикке даяр экендиктерин көрсөтүп келишүүдө.

Бүгүнкү күндө 300дөн ашык бүтүрүүчү Билим берүү мекемелеринде, бала-бакчаларда үзүрлүү эмгектенип, теориялык алган билимдерин практика жүзүндө жүзөгө  ашырып жатышат.

Кафедрада  заманбап талабына ылайыкташтырылып жасалгаланган  лекциялык, практикалык сабактар өткөрүлүүчү  кааналар  түзүлүп, жасалгаланган. Кафедрада төмөндөгү багыттар боюнча адистерди даярдоо жүрүп жатат:

1. 520301 Филология багыты (кыргыз филологиясы)

2. 550700 Педагогика багыты:

Башталгыч билим берүүнүн педагогикасы жана методикасы

Мектепке чейинки билим берүүнүн усулу

“Филология жана педагогика” кафедрасы 2011-жылдан бери түптөлүп, кафедранын окутуучулары жана бүтүрүүчү студенттери көптөгөн ийгиликтерге жетишип келүүдө. Кафедрада бүгүнкү күндө 2 педагогика илимдеринин кандидаты, 1 филолгия илиминин кандидаты, 2 доценттин милдетин аткаруучу, 3 ага окутуучу, 2 окутуучу эмгектенет. Жаштарды тарбиялоого жана коомдук иштерге активдүү катышкандыгы үчүн ТИПИнин, Таш-Көмүр шаардык мэриясынын, ЖАМУнун, областтын, Кыргыз Республикасыныны Билим берүү министрлигинин “Ардак грамоталары” жана Кыргыз Республикасыныны “Билим берүүнүнүн мыктысы” төш белгилери менен сыйланышкан. Жогоруда аты аталган окутуучулардын бир нече окуу усулдук колдонмолору, илимий макалалары, окуу куралдары, монографиялары жарык көргөн.

Кафедранын материалдык-техникалык базасы жөнүндө белгилесек: 4 лекциялык каана, 3 практикалык, семинардык сабактар өтүлүүчү кааналар, атайын уюшулган “Мамлекеттик тил борбору”, “Ч.Айтматов борбору” жана ар бир окутуучу үчүн кааналар бар, көпчүлүк кааналар  заманбап талабына ылайык техникалык каражаттар менен камсыз болгон.

Студенттердин арасында өткөрүлгөн олимпиадаларга, илимий практикалык- конференцияларга катышып, студенттерибиз алдыңкы орундарды багындырып диплом жана сертификаттар менен сыйланып келе жатат.

“Филология жана Педагогика” кафедрасын ийгиликтүү аяктап, азыркы мезгилде жаш жеткинчектерге талыкпастан үзүрлүү эмгектенип жаткан бүтүрүүчүлөрүбүз менен да сыймыктанабыз. Алар бүгүнкү күндө ардактуу кесипти аркалап, өздөрүнүн жогорку педагогикалык чеберчилигин көрсөтүү менен билим берүү мекемелеринде окуу бөлүмүнүн башчысы, мектептин, бала-бакчанын директору жана башка мекемелерде жогорку кызматтарды аркалап келүүдө.