Устаттарга таазим: Анатомия жана физиология кафедрасы Бүткүл дүйнөлүк карылар күнүн белгиледи

Ар жылы 1-октябрь — Бүткүл дүйнөлүк карылар күнү катары белгиленип, улуу муунга урмат-сый көрсөтүү салтка айланган. Ошол себептен Б. Осмонов атындагы ЖАГУнун Медицина институтунун Анатомия жана физиология кафедрасы институтта көп жылдар бою эмгектенип, жаштарга билим жана тарбия берип келген ардагер, жашы улуу агай-эжекелер үчүн атайын майрамдык иш-чара уюштурду.

Иш-чаранын жүрүшүндө:

• Майрамдык концерт: Кафедра тарабынан даярдалган чакан концерттик программа тартууланып, ардагерлерге арналган ыр-күүлөр аткарылды.
• Сый тамак: Чакырылган коноктор үчүн атайын түштөнүү (сый тамак) уюштурулуп, ак дасторкон үстүндө жылуу маанайда баарлашуу өттү.
• Каалоо-тилектер: Институтка өмүрүн арнаган устаттарга терең ыраазычылык билдирилип, бекем ден соолук, узак өмүр жана бакубат турмуш каалашты.

Ардагер агай-эжекелерибиз да уюштуруучуларга ыраазычылыктарын билдиришип, азыркы иштеп жаткан жаш жамаатка жана студенттерге өздөрүнүн батасын беришти. Анатомия жана физиология кафедрасынын мындай демилгеси — улууну сыйлоонун жана кесиптик ынтымактын айкын үлгүсү болду.