ЖАМУдагы медицина сыйкыры: Ачык эшиктер күнү кандай өттү?

Бүгүн Б. Осмонов атындагы Жалал-Абад мамлекеттик университетинин (ЖАМУ) башкы корпусу келечектеги абитуриенттер үчүн чыныгы интерактивдүү аянтчага айланды. Ачык эшиктер күнү медицина жана илим жолун тандагысы келген жүздөгөн мектеп бүтүрүүчүлөрүнүн башын бириктирди.

Кесиптер жарманкеси жана мастер-класстар: Майрамдык маанай башкы кире бериштеги жарманкеден башталып, корпустун ичинде накта медициналык лабораториялар менен уланды.

Хирургия дүйнөсүнө саякат: Окуучулардын өзгөчө кызыгуусун Манас Акимовдун командасы даярдаган аянтча жаратты. Бөлөчоктогу дарыгерлер заманбап технологиялар менен таанышып, өз күчтөрүн сынап көрүштү:

• Лапароскопия: Окуучулар атайын манипуляторлордун жардамы менен виртуалдык хирургиялык операцияларды жасап көрүштү.
• Хирургиялык тигүү: Ар бир каалоочу насаатчылардын көзөмөлү астында кесипкөй тигүү техникасын үйрөндү.
• Интубация: Заманбап манекен-симуляторлордо бейтаптын өмүрүн сактап калуучу маанилүү көндүм — интубация процесси көрсөтүлдү.

Фармация — ден соолук даамы: «Фармация» кафедрасынын командасы иш-чарага өзгөчө маанай тартуулады. Студент-фармацевттер атайын рецепттер менен даярдалган фито-чайларды сунуштап, дегустация уюштурушту. Алар фармация — бул жөн гана дарылар эмес, өсүмдүктөрдүн химиясын жана касиеттерин билген терең илим экенин далилдешти.

ЖАГУ — бул теория менен практика айкалышкан билим ордосу. Биз келечектеги адистерди биринчи курстан баштап тажрыйбага үйрөтөбүз!