ЖАМУнун Медицина институту Манас шаарында профориентациялык иштерди өткөрдү

2026-жылдын 16-апрелинде Жалал-Абад мамлекеттик университетинин  Медицина институтунун окутуучулары Манас шаарындагы мектептердин бүтүрүүчүлөрү менен кезектеги жолугушуусун өткөрүштү.

Иш-чара өткөн жерлер: * И. Сатыбаев атындагы №19 орто мектеби;

• Роза Азимова атындагы №13 орто мектеби;
• Р. Санатбаев атындагы №9 орто мектеби.

Жолугушуунун негизги максаты – 11-класстын окуучуларына медициналык кесиптин өзгөчөлүктөрү, ЖАМУнун «Дарылоо иши» жана «Фармация» багыттары боюнча маалымат берүү жана кесип тандоого багыттоо.

Бүтүрүүчүлөр үчүн маанилүү жаңылыктар:

• 100 бюджеттик орун: Быйылкы окуу жылында медицина багыты боюнча мамлекеттик негизде окууга чоң мүмкүнчүлүктөр түзүлгөнү өзгөчө белгиленди.
• Сапаттуу билим: Студенттер алгачкы курстардан баштап практикалык көндүмдөрдү заманбап базаларда өздөштүрүшөт.
• Тажрыйбалуу адистер: Сабакты тажрыйбалуу профессорлор жана практик-дарыгерлер беришет.

Иш-чаранын жүрүшүндө окуучулар кабыл алуу эрежелери, ОРТ балдары жана студенттик жашоо тууралуу суроолоруна толук жооп алышты. Жолугушуунун жыйынтыгында көптөгөн бүтүрүүчүлөр ЖАМУнун Медицина институтуна тапшырууга кызыкдар экенин билдиришти.

ЖАМУ – келечектеги дарыгерлердин ишенимдүү кадамы!