АТИнин студенти Эсенбаев Бектемир Акылбекович Евразия Лидерлер Ассоциациясынын Эл аралык конференциясына катышууда — бул ар түрдүү өлкөлөрдөн келген активдүү студент-лидерлер үчүн билим берүү программасы.

Программа коомдук иштерге активдүү катышкан, социалдык демилгелерди ишке ашырган, иш-чараларды уюштурган жана өз аймактарында жаштар командаларын өнүктүргөн катышуучуларды бириктирет.

Программанын негизги максаты — адамдар менен иштөөнүн практикалык инструменттерин өнүктүрүү жана Евразия мейкиндигинде долбоорлорду ишке ашырууга бирдиктүү мамилени калыптандыруу.

Программанын өзгөчөлүгү — анын практикалык багыттуулугунда: катышуучулар окуудан гана өтпөстөн, өз өлкөлөрүндө ишке ашырыла турган конкреттүү долбоорлорду жана иш-чараларды иштеп чыгышат. Айрыкча 9-Майга арналган жана тарыхый эстутумду сактоого багытталган демилгелерге көңүл бурулат.

Программанын алкагында катышуучулар «Евразия — салттуу баалуулуктардын аймагы» форумуна да катышып, жаштардын өз ара аракеттенүүсү жана коомдук долбоорлорду өнүктүрүү боюнча актуалдуу маселелерди талкуулашат.