2026-жылдын 18-апрелинде Агрардык-техникалык институтунда өткөрүлгөн ишембилик

2026-жылдын 18-апрель күнү Агрардык-техникалык институтунун жамааты жалпы ишембиликке активдүү катышты. Бул иш-чара айлана-чөйрөнү жакшыртуу, тазалыкты сактоо жана экологиялык маданиятты өнүктүрүү максатында уюштурулду.

Ишембилик институттун директору Карбекова Азиза Баймаматовнанын жетекчилиги астында өтүп, ага студенттер жана профессордук-окутуучулук курам биргеликте катышты. Бардык катышуучуларга алдын ала бөлүнгөн аймактар белгиленип, ар бир топ өзүнө жүктөлгөн милдетти жоопкерчилик менен аткарды.

Жамаат тарабынан институт аймагында топтолгон таштандылар, түшкөн жалбырактар жана башка калдыктар толугу менен жыйналып, айлана-чөйрө иретке келтирилди. Иш учурунда студенттер жаратылышка аяр мамиле кылууну, тазалыкты сактоонун маанисин жана коомдук иштерге активдүү катышуунун зарылдыгын дагы бир жолу түшүнүштү.

Профессордук-окутуучулук курам да ишембиликке активдүү катышып, студенттерге үлгү көрсөтүп, алардын демилгелерин колдоду. Бул иш-чара жамааттагы биримдикти бекемдеп, жалпы ишке болгон жоопкерчиликти жогорулатты.

Ишембилик жогорку деңгээлде уюштурулуп, кыска убакыттын ичинде натыйжалуу жыйынтыкка жетишилди. Натыйжада институттун аймагы таза, иреттүү жана көрктүү көрүнүшкө ээ болду.

Бул иш-чара Агрардык-техникалык институтунун жамаатынын коомдук иштерге болгон активдүүлүгүн жана экологиялык маданиятты өнүктүрүүгө болгон салымын дагы бир жолу айгинеледи.