28-марттагы ишембилик: Агрардык-техникалык институтунун татыктуу салымы

28-март күнү шаарыбызда өткөрүлгөн ишембилик — тазалыкты, тартипти жана коомдук жоопкерчиликти чыңдоого багытталган маанилүү иш-чаралардын бири болду. Бул саамалыкка ЖАМУнун Агрардык-техникалык институтунун профессордук-окутуучулук курамы жана студенттери өзгөчө демилге жана жигердүүлүк менен катышып, шаарыбыздын көркүн арттырууга олуттуу салым кошушту.

Ишембиликтин жүрүшүндө катышуучулар белгиленген аймактарды кылдат тазалап, таштандыларды жыйнап, айлана-чөйрөнү ирээтке келтиришти. Ар бир катышуучу бул ишке жоопкерчилик менен мамиле кылып, таза чөйрө — бул ден соолуктун, маданияттын жана келечекке болгон камкордуктун негизги көрсөткүчү экенин иш жүзүндө далилдешти.

Институттун жамаатынын биргелешкен аракети айлана-чөйрөнү гана тазалабастан, адамдардын аң-сезиминде тазалыкка болгон мамилени да калыптандырууга багытталды. Айрыкча студент жаштар үчүн мындай иш-чаралар тарбиялык мааниге ээ болуп, эмгекке болгон урматты, жаратылышка болгон аяр мамилени жана жарандык жоопкерчиликти күчөтөт. 

Ишембилик учурундагы ынтымак, биримдик жана жакшы маанай бул иш-чараны өзгөчө маанилүү кылды. Жамааттын ар бир мүчөсү өз салымын кошуу менен коомдук турмушка кайдыгер карабоонун үлгүсүн көрсөтүштү.

ЖАМУнун Агрардык-техникалык институту мындан ары да ушундай пайдалуу жана коом үчүн маанилүү иш-чараларга активдүү катышып, шаарыбыздын тазалыгын сактоого, көрктөндүрүүгө жана өнүгүүсүнө өз салымын кошууну улантат.