Ядролук, химиялык жана биологиялык коркунучтар боюнча сабак өткөрүлдү.

Агрардык техникалык институтунун Электроэнергетика жана механика кафедрасынын  «Жашоо тиричилик коопсуздугу» сабагынын алкагында дене тарбия адистигинин студенттери үчүн “Ядролук, химиялык, биологиялык кыйратуучу каражаттар жана массалык кыйратуучу сокку каражаттары (МКСК – Массалык кыйратуучу сокку каражаттары)” темасында  сабак  өткөрүлдү. Сабакты улук окутуучу Ташиев З.К. алып барды.

Сабак учурунда студенттер төмөнкү багыттар боюнча кеңири маалымат алышты:

- ЯХБ куралдары (Ядролук, Химиялык, Биологиялык) – алардын түзүлүшү, таасир мүнөзү жана коркунучтары.

- Ядролук жарылуунун негизги факторлору: сокку толкуну, жогорку температура, иондоштуруучу нурлануу, электромагниттик импульс (ЭМИ – Электромагниттик импульс) жана радиоактивдүү булгануу.

- Химиялык уулуу заттар: нерв-параличтик заттар (зарин, зоман, VX), күйгүзүүчү заттар (иприт), тумчуктуруп чыгаргыч газдар (хлор, фосген).

- Биологиялык агенттер: вирустар, бактериялар, токсиндер жана алардын жайылуу өзгөчөлүктөрү.

Окуу процессинин жүрүшү интерактивдүү ыкмалар менен коштолду. Студенттер:

- суроо-жооп форматында активдүү катышты,

- топтор менен биргеликте иштеп, кырдаалдарды талкуулашты,

- практикалык талдоо жана моделдөө тапшырмаларын аткарышты.