«Жашыл дем — улуттук дем» аттуу экологиялык иш-чара өткөрүлдү.

 Иш-чаранын негизги максаты — студенттер арасында экологиялык маданиятты жогорулатуу, айлана-чөйрөгө болгон жоопкерчиликти күчөтүү жана жашыл демилгелерди колдоо болду.

Иш-чаранын жүрүшүндө студенттерге климаттын өзгөрүшү, жашыл аймактарды көбөйтүүнүн мааниси, калдыктарды туура сорттоо жана жаратылыш ресурстарын үнөмдүү пайдалануу боюнча маалыматтык баяндамалар тартууланды. Ошондой эле катышуучулар үчүн интерактивдүү суроо-жооп бөлүгү, чакан топтордогу талкуулар жана экологиялык жана социалдык жоопкерчилик боюнча тренингдер уюштурулду.

«Жашыл дем — улуттук дем» демилгеси студенттерди бириктирип, экологиялык маданиятты жайылтууга зор салым кошту жана жаратылышты коргоо — ар бир жарандын улуттук жоопкерчилиги экенин дагы бир жолу эске салды.