Кыргыз тили эчен кылым карыткан!

БАС кафедрасы тил майрамына жана мамлекеттик тил макамын алганына 36 жыл толгондугуна карата “Кыргыз тили эчен кылым карыткан” аттуу иш-чара уюштурду. Иш-чаранын негизги максаты – мамлекеттик тилдин маңызын даңазалоо, кыргыз тилинин тарыхый баалуулугун жана коомдук турмуштагы ордун баса белгилөө болду.

Иш-чарага БАС кафедрасынын башчысы, п.и.к., доцент Ажыкулов С.М., ошондой эле кафедранын профессордук-окутуучулук курамы катышты. Катышуучулар кыргыз тилинин эзелтен бери калыптанган улуттук иденттүүлүктөгү орду, аны сактоо жана өнүктүрүү маселелери боюнча ой бөлүшүп, студенттерге үлгү боло турган маанилүү ойлорду айтышты.

Иш-чара жүрүшүндө кыргыз тилин ар тараптуу өнүктүрүүгө арналган баяндамалар окулуп, тилдин байлыгы жана тарыхы боюнча талкуулар уюштурулду.

Мындай иш-чаралар мамлекеттик тилдин аброюн көтөрүүгө жана жаш муундардын тилге болгон сүйүүсүн арттырууга өбөлгө түзөт.