ЖАМУНУН СТУДЕНТТЕРИ БАЙГЕЛҮҮ ОРУНДАРДЫ ЭЭЛЕШТИ

Бишкек шаарында болуп өткөн Кыргыз Республикасынын грек-рим күрөшү боюнча чемпионатка Б.Осмонов атындагы ЖАМУнун 8 спортчу студенттери катышып, байгелүү орундарды багындырды.

Алардын ичинен ДТ 1-21 тайпасынын (дене тарбия) студенти Сулайманов Акыл 60 кг салмакта өлкө чемпиону болсо, Юк 1-20 (укук таануу)  тайпасынын студенти Сатымкул уулу Ийгилик 77 кг салмака 2-орунду ээледи, ал эми дагы бир дене тарбия адистигин ийгиликтүү аяктаган студентибиз Максатбеков Сыргак 55 кг салмакта байгелүү  2-орунду багындырды.

Спортчуларыбызга жана машыктыруучусу дене тарбия жана спорт кафедрасынын профессору А.Ж.Салаевге  мындан ары да чоң-чоң ийгиликтерди каалоо менен ЖАМУнун жалпы жамаатынын атынан куттуктайбыз!