Жаны жылыныздар менен!

Кеңешбек Усенов, Бекмамат Осмонов атындагы ЖАМУнун ректору, техника илимдеринин доктору, профессор

Мартабалуу жыл болсун!

Кайсыл тарапка көз чаптырба жыл тогошоор учурдун ажайып кооздугу, бир жагынан керемети көңүлүңдү көтөрөт. Кыялыңды эргитет. Эски жыл эмнеси менен эсте калды? Бул суроонун тегерегинде ар бирибиз ой калчайбыз, унутулгус да эстен кеткис да урунттуу окуялар жөнүндө ой калчап көрсөк, социалдык-экономикалык маселелер чечилип, элдин бакубат жашоого болгон аракети күчөп жатканына ынанасың, бир жагынан кубанасын. Коен жылын узатып, балык жылын чыдамсыздык менен күтүп жатканыбыз- келечекке үмүт артканыбыз.

Б.Осмонов атындагы Жалал-Абад мамлекеттик университетинде чурда 4 институт, 7 колледж, 6 факультетте 33 кафедра иш алып барат. ЖАМУда кошумча кесиптерди алуу боюнча лицензиялар бар, бул студенттерге кошумча кесип алууга мүмкүнчүлүк берет. ЖАМУнун 17 студенти сабактардан жетишкендиктери жана коомдук иштерге активдүү катышкандыктары үчүн Президенттик “Үмүт ” стипендиянын ээси болушкан.

Бул жылы ЖАМУда бардык материалдык-техникалык база чыңдалып, окуу имараттары, жатаканалары жана Жалал-Абад колледжи замандын талабына жооп бере турган капиталдык оңдоодон өткөрүлдү. Ошондой эле заманбап компьютердик технологиялар менен жабдылган. Бизнес-инкубатору толук ондоодон өткөрүлдү. Автоунаа техникаларын тейлөө жана оңдоо комплексинин (ТОиРАТ) курулушу аяктап, заманбап жабдуулар, эмеректер жана компьютерлер менен жабдылган. Базар-Коргон районунун Жаңы-Акман айылындагы окуу-өндүрүштүк комплекстин аймагында ветеринардык лабораториянын курулуш иштери бүтүп керектүү шарттар менен камсыздалган. Окуу жайга караштуу 4-кабаттуу 1500 орундуу окуу имаратты жана 4-кабаттуу административдик имараттынын курулуш иштери да аяктап жатат.

Быйылкы жылы алдыбызга жаңы талаптарды, милдеттерди коюуп, аларга чоң жоопкерчилик менен иш алып барабыз.

Быйыл Илим-изилдөө институтунун 4 кабаттуу имараты жана 2000 орундуу 5 кабаттуу окуу корпусунун имараты жана 3 кабаттуу спорт зал, ашкана бөлмөсү жана конференц-зал курулат. Ачык спорттук манеж жана стандартка туура келген эки чоң стадиондун курууу максатталган. Базар-Коргон районунун Жаңы-Акман айылындагы окуу-өндүрүштүк комплекстин аймагында 3 кабаттуу окуу корпусунун имараты жана 3 кабаттуу жатакана курулушу пландалууда.

Баардык тилек максаттар ишке ашып, балык жылы мартабалуу жыл болуусун чын дилим, ак ниетим менен каалайм!