ЖАМУ ДАНК ОРДЕНИ МЕНЕН СЫЙЛАНДЫ

Өлкө башчы Жапаров Садыр Нургожоевтин 2024-жылдын 18-декабрдагы №362 Жарлыгы менен бир катар мамлекеттик кызматкерлерге сыйлыктар тапшырылды.

Ошолордун катарында Б.Осмонов атындагы Жалал-Абад мамлекеттик университетине билим берүү жана илим тармагында мамлекеттин жана Кыргызстан элинин алдында кошкон салымы үчүн “Даңк” ордени ыйгарылды.

Бир кылымдык тарыхы бар кезинде бир катар чыгаан инсандарды чыгарган окуу жайдын жетишкендиктерин өлкө башчы баса белгилеп, мындан кийин дагы мамлекетке кызмат кылган кадрлар даярдала беришине тилектештигин билдирип, жалпы жамааттын ишине ийгилик каалап өттү.

“ЖАМУнун жалпы жамаатын жетишкен ийгиликтерибиз менен куттуктайм. Ар бирибиздин талыкпаган эмгегибиздин жана ынтымагыбыздын жемиши деп билем. Бул сыйлык бизге чек болбосун дагы да ийгиликтерди багындырып, жетишкендиктерди жараталы” – деген каалоосун окуу жайдын ректору К.Ж.Усенов билдирди.