Бүгүн Колледжге өзгөчө конок келди

Бекмамат Осмонов атындагы Экономика жана укук колледжине Алтай мамлекеттик университетинин окутуучусу Иван Иванович Назаров расмий иш сапары менен келди.

Иш сапардын алкагында Экономика жана укук институтунун директору, экономика илимдеринин доктору Аскарова А.К., колледж директору Ташматова А.А., «Славянская диаспора» ассоциациясынын президенти Малюженко В.В. жана окутуучулар Карим кызы Лунара менен Айылчиева Н.А. менен жолугушуу өткөрүлдү.

Жолугушууда студенттердин академиялык мобилдүүлүгү, чет өлкөдө стажировка өтүү, окутуучулардын тажрыйба алмашуусу жана бакалавриат программаларынын 5 жылдык мөөнөткө өтүшү тууралуу маселелер талкууланды.

Бул жолугушуу эки окуу жай ортосундагы кызматташууну тереңдетүүгө чоң өбөлгө түздү.