Жалал-Абад мамлекеттик университети Кыргыз Республикасынын Министрлер Кабинетинин 2025-жылдын 26-сентябрындагы №841-т тескемесине ылайык, 2026-жылга карата мамлекеттик тапшырыктын алкагында, Жалал-Абад облусу боюнча мамлекеттик жарандык кызматчыларды жана муниципалдык кызматчыларды кайрадан окутуу жана квалификациясын жогорулатуу курстарына тренерлерди (окутуучуларды) тандоо боюнча конкурс жарыялайт!

Тѳмѳндѳгү курстар боюнча:

• «Мамлекеттик жана муниципалдык кызматтын жалпы багыттары боюнча квалификацияны жогорулатуу курстары»
• «Кыргыз Республикасынын аймактык лидерлеринин квалификациясын жогорулатуу курстары»
• “Мамлекеттик/муниципалдык башкаруудагы стратегиялык менеджмент”
• «Мамлекеттик органдардын жана жергиликтүү өз алдынча башкаруу органдарынын ишин ченемдик укуктук камсыздоо»
• «Мамлекеттик жана муниципалдык кызматта эффективдүү башкаруу»
• "Мамлекеттик башкаруудагы санариптештирүү "
• "Мамлекеттик сектордогу жана жергиликтүү өз алдынча башкаруудагы финансылык жана экономикалык негиздер"
• «Муниципалдык кызматкерлердин квалификациясын жогорулатуу курстары»
• "Коррупцияга каршы мамлекеттик саясат"
• «Улуттук жана мамлекеттик программалардын алкагындагы окутуу курстары»

Окутуучунун/тренердин квалификациясына ылайык тандоо критерийлери:

• билим деңгээли, илимий даражасынын же илимий наамынын болушу;
• билиминин тандалган курстун багытына, тематикаларына дал келиши;
• мамлекеттик же муниципалдык кызматта иштеген тажрыйбасынын болушу;
• окутуучулук/тренердик ишмердүүлүктө 2 жылдан кем эмес тажрыйбасынын болушу;
• илимий-усулдук иштелмелеринин, илимий басылмаларынын жана эмгектеринин болушу;
• тандоо критерийлерине жооп берген Университеттин штаттык окутуучулары конкурстук тандоодо артыкчылыкка ээ болушат.

Тажрыйбасын жана тандалган багытка дал келүүсүн тастыктоону талап кылган документтердин тизмеси (сканерленген көчүрмөлөрү, архивделген түрдө):

• окутуучунун/тренердин тандалган курстун аталышын көрсөтүү менен конкурстук тандоого катышуу жөнүндө арызы (эркин формада);
• резюмеси (анда тренингдерди/курстарды өткөрүү тажрыйбасын, иштеп чыккан окуу-усулдук колдонмолорун, илимий басылмаларын жана башка эмгектерин тастыктаган маалыматтарды көрсөтүү менен);
• тиешелүү билиминин, илимий даражасынын бар экендигин тастыктаган документтери;
• тандап алган курстардын/темалардын багыты боюнча сертификаттары.

Документтерди 2025-жылдын 10-декабрына чейин кечиктирбестен, Кыргыз Республикасынын Президентине караштуу Жусуп Абдрахманов атындагы Мамлекеттик башкаруу академиясынын, Кайра даярдоо жана квалификацияны жогорулатуу жогорку окуу борборунун, Жалал-Абад аймактык жайларында окутуу бөлүмүнүн башкы адиси Жунусов Руслан Токтосуновичке тапшыруу керек. Байланыш ном: +996 222 07-03-86 (Whatsapp).

Дареги: Манас шаары, Т.Байзаков пр. №24; Жалал-Абад мамлекеттик университетинин эски корпусу, 3-этаж, 301-кабинет;