Жалал-Абад колледжи Алдыңкы тажрыйба борборунда 3-курстардын ата-энелер чогулушу болду 

2024-жылдын 6-февралында Б.Осмонов атындагы ЖАМУнун       Жалал-Абад колледжинин Алдынкы тажрыйба борборунда 3-курстун студенттери жана ата-энелери менен баарлашуу жыйналышы өткөрүлдү.

         Алгач ЖАКтын директору Б.М.Турдубаева Алдынкы тажрыйба борборунун жетишкендиктери келечектеги багыты тууралуу кеңири презентация жасады.

          Жыйналышка Жалал-Абад шаардык ички иштер бөлүмүнүн жашы жете электер менен иштөө инспекциясынын улук инспектору милициянын капитаны Кадырова Самара Эсенбаевна катышып, учурдагы жаштардын көйгөйү болуп жаткан  “Ата-эне! Студент уул, кызына көнүл бур! Сойкулукка жана аптекалык наркоманияга жол жок!”  аттуу аңгеме-презентация көрсөттү.  С.Кадырованын баяндамасы ата-энелерди кайдыгер калтырбай, студенттерге сабак болду.

Аталган жыйындын жүрүшүндө милиция тарабынан аптекалык наркоманияга, сойкулукка тиешелүү Кыргыз Республикасынын УКМКнын төрөгасы Камчыбек Ташиевдин кайрылуусу боюнча студенттерге видео көрсөтүлүп, ата-энелер уул-кыздарын көзөмөлгө алуу боюнча милиция тарабынан эскертүүлөр берилди.

      Андан кийин, башталгыч класстарда окутуу жана кыргыз тили ПЦКсынын башчысы Мамабетова Мира, чет тили ПЦКсынын башчысы Баймырзаева Батма өзүлөрүнүн студенттери жөнүндө ата-энелерге маалымат беришти.

Жыйындын соңунда алдынкы студенттердин ата-энелерине  жана       Жалал-Абад колледжи менен тыгыз иш алып баргандыгы үчүн, милициянын капитаны Кадырова Самара Эсенбаевнага ЖАКтын  ыраазычылык баракчасы берилди.