ЭЮКта жыйынтыктоочу конференциялар

  Экономика-юридикалык  колледжинин каржы (тармактары боюнча) жана экономика жана бухгалтердик эсеп (тармактары боюнча) адистиктеринин  3-курсунун  студенттеринин өндүрүштүк практикасын жыйынтыктоочу конференциясы болуп өттү.

Конференцияга 3-курстун студенттери, ЭЮКтун өндүрүштүк практика жана карьера  боюнча жетекчиси Н. Айылчиева, экономика ПЦКсынын башчысы З. Ахмедова, ПЦКнын практика жетекчиси А. Калмурзаева жана адис жетекчилер катышты. Конференцияда студенттердин баяндамалары жасалып, илимий иштеринин отчеттору угулду.  Студенттер практика учурунда жетишкен ийгиликтерин слайддарын жана видеолордун жардамы менен көрсөтүштү.Конференциянын жыйынтыгында  практика учурунда жетишкен ийгиликтер, алар үчүн даярдалган жол карта боюнча жумуштун аткарылышы жөнүндө  суроолор берилип, жооптор алынды, кетирген кемчиликтер, туш болгон кыйынчылыктары менен бөлүшүп, аларды жою боюнча өз сунуштарын айтышты. Практика жетекчилер студенттерге сунуштарын кеп-кеңештерин айтышып, студенттердин практикасынын баалары угулду.