Кафедранын тарыхы:

Жалал-Абад  мамлекеттик  университетинин  1998-жылдын 29-апрелиндеги  № 83  буйругунун негизинде  Таш-Көмүр  технологиялык  факультетинде “Жалпы  техникалык дисциплиналар”  кафедрасынын  базасында  “Экономика  жана  информатика”  кафедрасы  уюшулган.

Кафедра башчысы болуп 2011-жылдан бери окутуучу Усупов Мелис Усенбаевич иштөөдө. Усупов М.У. – кесиби боюнча экономист, 2009-жылдан бери ЖАМУнун изденүүчүсү, “Экономика жана эл чарбачылыгын башкаруу” багыты боюнча “Развития организации и управлении инвестиционной деятельности субүектов малого бизнеса в ЖКХ” деген темада кандидаттык диссертациясын 2013-жылы 25-октябрда ийгиликтүү коргоп алды. 10 илимий макаланын, 4 усулдук колдонмонун жана 2 окуу куралынын автору.

Алгачкы кафедра башчысы болуп улук окутуучу Тампагаров Куштарбек Бекмуратович дайындалган.

Тампагаров К.Б. – кесиби боюнча математика мугалими. 1990-жылы КМУнун аяктаган. 1993-жылдан баштап Таш-Көмүр технологиялык факультетинде инженер-программист, окутуучу, улук окутуучу, илимий иштер боюнча декандын орун басары болуп иштеген. 2002-жылы 24-январда «Конструкциялар менен майышуучу серпилгич негиздердин өз ара кыймылы» деген темада диссертациялык жумушун ийгиликтүү коргоп, физика жана математика илимдеринин кандидаты деген окумуштуулук даражага ээ болгон. Ондон ашык илимий макалалардын жана бир нече усулдук колдонмолордун автору. 2003-жылдан бери ЖАМУнун Кочкор-Ата колледжинин директору болуп иштеп жатат.

2003-2004-жылдары кафедра башчысы болуп доценттин м.а. Дуйшенов Канат Раимбекович иштеген. Учурда Таш-Көмүр аймактык колледжинин директору болуп үзүрлүү эмгектенүүдө.

Ал эми 2004-2006- жылдары Атенов Бактыбек Жумагулович кафедра башчысы болуп эмгектенген. Азыркы учурда ПС ГЭС ишканасынын инженер-программисти болуп иштөөдө. Атенов Б.Ж. – кесиби боюнча “инженер-программист”. 1999-жылы ЖАМУнун “Маалыматтарды башкаруунун жана иштетүүнүн автоматташтырылган системалары” адистигин аяктаган 1999-2007-жылдары кафедрада эмгектенген, 5 усулдук колдонмонун автору, “Информатика” боюнча лабораториялык кабинетти түзүп, кафедранын материалдык-техникалык базасын чыңдоого чоң салым кошкон.

2009-2010-жылдыры кафедра башчысы болуп улук окутуучу Субанов Бекжан Абдыжалилович эмгектенген. Субанов Б.А. – кесиби боюнча инженер-программист, 2002-жылы ЖАМУнун “Маалыматтарды башкаруунун жана иштетүүнүн автоматташтырылган системалары” адистигин аяктаган. 2009-жылдан бери ЖАМУнун изденүүчүсү болуп илимий ишинин үстүндө иштөөдө. “Экономика адистиктеринин окуу процессинде маалыматтык жана коммуникативдик технологияларды пайдалануунун дидактикалык шарттары” деген темада кандидаттык диссертациясын 2017-жылы 17-майында ийгиликтүү коргоп алды. 17 илимий макаланын, 5 усулдук колдонмонун автору.

Кафедрада «Экономика» багыты боюнча «Бухгалтердик эсеп, талдоо жана аудит» адистиги ачылып, 1996-жылдан баштап студенттерди кабыл алуу жүргүзүлгөн. 2000-2001-окуу жылында 48 студент аталган адистикти ийгиликтүү аяктап, дипломго ээ болушкан. Учурда 826 бүтүрүүчү жогорку билимдүү адис болуп чыгышты. Алардын ичинен күндүзгү окуу бөлүмүнөн 201 бүтүрүүчү болсо, сырттан окуу бөлүмүн 625 бүтүрүүчү ийгиликтүү аяктады. 350дөн ашык бүтүрүүчүлөрүбүз өз кесиби менен үзүрлүү эмгектенишүүдө.

                                                                Кафедранын бүтүрүүчүлөрү:

Биздин бүтүрүүчүлөрүбүз ар кайсы тармактарда өз адистиги боюнча эмгектенип, жетекчилик  кызматтарда  иштеп, биздин  сыймыгыбызга  айланган.

Мисалы: Нурманбетов  Эсенбай - “Кыргызстан” банкынын Таш-Көмүр  шаарындагы  филиалынын башчысы,  Алишеров  Жеңиш - “Залкар-банк” ААК Талас шаардык бөлүмүнүн  башчысы, Молдомуратова Б. – шаардык билим берүү бөлүмүнүн башкы бухгалтери, Мырзакулов А. – “БТА” банкынын шаардык бөлүмүнүн башчысы, Чокоева Г.Н. – Шаардык соц.башкармалыгынын башчысы, Мейманова А. – Таш-Көмүр ШИИБнүн башкы бухгалтери, Кожоева Н. – “Кыргызстан” банкынын башкы бухгалтери,  Азимжанова А., - ТИПФнин кассири, Аманова А. – ТИПФнын мат.бухгалтери, Камбарова Э. – шаардык социалдык фонддун бөлүм башчысы  ж.б. үзүрлүү эмгектенипкелишүүдө.

ЭжИ кафедрасын түзүү максаты болуп бухгалтердик эсеп жана аудит профили боюнча жогорку даражадагы бакалавр адистерди даярдоо жана адистиктин ишмердүүлүгү эл чарбасынын бардык тармактарында профессионалдуу иштөөгө жана бардык укуктук менчик формаларында, мамлекеттик бюджеттик тармактарда жана бюджеттик эмес институтционалдык структураларда ишкерчиликтин ишмердүүлүгүн профессионалдык тейлөөгө багытталган.

Кафедранын негизги милдети окуу, илимий, усулдук иштерди аткаруусу менен бирге эл чарбасынын ар түрдүү тармактарындагы мекеме, ишканаларга керектүү жогорку квалификациядагы бухгалтер-экономист адистерди даярдайт.    

Кафедранын негизги миссиясы – бухгалтердик эсеп, талдоо жана аудит чөйрөсүндө профессионалдуу, атаандаштыкка жөндөмдүү жана компетенттүү адистерди даярдоо жана алган билимин бардык укуктук менчик формаларындагы иштеп жаткан мекемелерде колдоно алганга жөндөмдүү адистерди чыгаруу.

Билим берүү ишмердиги

“Экономика” багыты “Бухгалтердик эсеп, талдоо жана аудит” профили бардык чарбалык субъектилердин активдери, капиталдары, милденттенмелери, акча агымынын кыймылы, кирешеси жана чыгашасы, мекемелердин финансылык ишмердүүлүгүнүн жыйынтыктары жөнүндө керектүү маалыматтарынды түзүүдө жана аларды талдоодо студенттерге тереңираак экономикалык билим алганга мүмкүнчүлүк берет.

Баяндоо: “Бухгалтердик эсеп, талдоо жана аудит” профили түрдүү менчик формасындагы мекемелердин, ар түрдүү деңгээлдеги аудитордук фирмалардын, инвестициялык жана камсыздоочу компаниялардын иштеши үчүн бухгалтердик эсеп, экономикалык талдоо жана аудит чөйрөсүндөгү квалификациялык жетекчилерди жана адистерди даярдоого багытталган. Бухгалтердик дисциплиналарды окуп үйрөнгөндөн кийин: бухгалтердик эсеп, экономикалык талдоо, финансылык эсептин жана аудиттин эл аралык стандарттарын, жалпы профессионалдык дисциплиналар менен айкалыштырып окуугандан кийин бүтүрүүчүлөр өндүрүштөрдө экономикалык жана бухгалтердик кызматтарда жана регионалдык, мамлекеттик башкаруу органдарында иштөөгө мүмкүнчүлүк алышат. Профессионалдык ишкердүүлүк кылуу үчүн мамлекеттик жана коммерциялык мекемелерде, финансы – кредиттик ишканаларда, кичи ишкердүүлүк чөйрөсүндө жана ошондой эле магистратурада окуусун улантууга, апиратурада илимий изилдөө иштерин жүргүзүүгө  экономистерди даярдайбыз.    

Бүтүрүүчүнүн квалификациясы – экономиканын бакалавры

·         Программаны өздөзтүрүүдөгү күндүзгү формада окуутуунун нормативдик мөөнөтү – 4 жыл.

·         580100 “Экономика” бакалавр багыты боюнча даярдоодо негизги окутуу программасы болуп, биринчи деңгеелдеги жогорку профессионалдуу билим берүү программасы эсептелет.

Жогорку квалификациядагы бухгалтерлерди, аналитиктерди жана аудиторлорду даярдоо, Билим берүү жана илим министрлиги тарабынан бекитилген №1179/1 15.09.2015-ж. Мамлекеттик билим берүү стандарттынын талабынын негизинде ишке ашырылат жана ошол стандарттын негизинде “Бухгалтердик эсеп, талдоо жана аудит” профилинде окуу пландары жана окутула турган бардык дисциплиналардын программалары иштелип чыккан. 

Кафедрада окутуучулар окуу процессинде окутуунун активдүү усулдарын колдонушат, практикалык сабактарды өтүүдө атайын даярдалган окуу куралдарынын, практикалык материалдарынын, тестик тапшырмаларынын жана маселелер жыйнактарынын негизинде иш алып барышат. 

Профессордук – окутуучулар курамы:

Кафедранын курамын 8 штаттык окутуучулар түзөт.

Профессордук – окутуучулар курамынын сапаттык көрсөткүчү төмөндөгүчө:

·         экономика илимдеринин кандидаты, доценттин м.а. – 2;

·         улук окутуучулар – 2;

·         окутуучулар – 3;

·         стажер – окутуучулар – 1.

Кафедранын профессордук – окутуучулар курамынын тизмеси:

·         Усупов Мелис Усенбаевич – э.и.к., кафедранын доцентинин м.а., кафедра башчысы

·         Садыралиева Гулбайра Райымкуловна – э.и.к., доценттин м.а.

·         Буланова Зуракан Шаакыевна – улук окутуучу

·         Субанов Бекжан Абдыжалилович – улук окутуучу

·         Кузебаев Нурис Жаныбекович – окутуучу

·         Тагаева Букадича Абдыкадыровна – окутуучу

·         Джуманазарова Апел Абдувалиевна – окутуучу

·         Тажибаева Нургул Тынарбековна – стажер окутуучу

Кафедранын окутуучуларынын штаттык курамы перспективдүү жаш специалистер түзөт. Профессордук окутуучулар курамынын сапаттык көрсөткүчү 38% түзөт.

Материалдык – техникалык база:

Окуу процесси эки окуу корпусунда жүргүзүлөт:

·         №1 окуу корпусу жалпы аянты – 2050,9 кв.метр

·         №2 окуу корпусу – 191,5 кв.метр

“Экономика жана информатика” кафедрасы №1 корпуста жайгашкан жана адистиги боюнча сабактар ушул корпуста окутулат. №1 корпуста курстук жана дипломдук жумуштарды аткаруу үчүн атайын жасалгаланган аудитория, кафедралык библиотека, лабаратория, компьютердик класс, интернет- класс, электрондук библиотека жана лекциялык, практикалык сабактарды өтүү үчүн 5 аудитория бар.

Кафедра окуу процессинде лекциялык сабактарды өтүү үчүн (ауд. 212, 213, 216, 217) аудиторияларды, ал эми практикалык, лаборатордук  сабактарды жана ошондой эле студенттердин өз алдынча иштерине даярдануусу үчүн атайын компьютердик класстар (ауд. 208, 209) жана электрондук библиотека (ауд.218, 219) колдонушат.

Окуу – усулдук иштер:

Багыт боюнча жумушчу окуу планында каралган бардык дисциплиналардын окуу – усулдук иштелмелери окутуучулар тарабынан иштелип чыккан (силлабустар, жумушчу программалар жана дисциплиналар боюнча окуу – усулдук материалдар). ОУК кафедранын алдыңкы окутуучулары тарабынан иштелип чыгып, кафедранын отурумунда каралган жана факультеттин деканы тарабынын бекитилген. ОУК актуалдуулугу илимдин жана техниканын заманбап абалында чагылдырылып камсыз болгон жана 2009-жылдан берки басылып чыккан окуу адабияттары колдонулган.

Кафедрада окуу-өндүрүштүк, өндүрүштүк жана квалификация алдындагы практикалардын программалыры иштелип чыккан.

Кафедра практикаларды өтүү боюнча студенттерге мүмкүнчүлүк түзүп, Таш-Көмүр шаарындагы дээрлик бардык мекеме, ишканалар жана банктар менен келишим түзүлүп чыккан.

                                                 Окуу-усулдук иштериндеги жетишкендиктер:

            Кафедранын улук окутуучусу Буланова З.Ш.АББМ мекемелери тарабынан уюштурулган, Таш-Көмүр инженердик-педагогикалык институтунда 2015-жылдын 05-июнундаөткөрүлгөн “МЫКТЫ УСУЛЧУ” кароо сынагына катышып,  3-даражадагы диплом менен сыйланды.

            Кафедранын доцентинин м.а. э.и.к., Усупов М.У. АББМ мекемелери тарабынан уюштурулган, Жалал-Абад медициналык колледжде 2017-жылдын 09-июнундаөткөрүлгөн “МЫКТЫ УСУЛЧУ” кароо сынагына катышып,  1-даражадагы диплом менен сыйланды.

·         Субанов Б.А. Экономикадагы маалымат системалары дисциплинасынан практикалык сабактарды өтүүдөгү усулдук көрсөтмө [Текст] – Жалал-Абад: 2014. – 24с.

·         Субанов Б.А. Компьютерде иш жүргүзүү дисциплинасынан практикалык сабактарды өтүүдөгү усулдук көрсөтмө [Текст] – Жалал-Абад: 2007. – 23с.

·         З.Ш.Буланова, Муханбек уулу А., Н.Ж.Күзөбаев “Салык жана салык алуулар, Экономикалык талдоо, Практикалык аудит, Финансылык эсеп” дисциплиналары боюнча 521604 “Бухгалтерский учет, анализ и аудит” адистигине курстук иштерге даярдануу жана коргоо үчүн комплекстүү усулдук колдонмо. (УДК 657, ББК 65.052) 2014г.

·         Буланова З.Ш. “Бухгалтердик эсептин теориясы” дисциплинасы боюнча маселелер. “Экономика” багытында билим алган бакалавр студенттер үчүн - 2015г.

·         Усупов М.У., Буланова З.Ш.  521604 «Бухгалтердик эсеп, талдоо жана аудит» адистигине окуу-өндүрүштүк практиканы өтүү жана аны уюштуруу үчүн программасынын усулдук көрсөтмөсү (ББК.65.052 УДК.657.(07)) 2012г.

·         Усупов М.У., Буланова З.Ш.  521604 «Бухгалтердик эсеп, талдоо жана аудит» адистигине өндүрүштүк практиканы өтүү жана аны уюштуруу үчүн программасынын усулдук көрсөтмөсү (ББК 65.052 УДК 657 (07)) 2012г.

·         Усупов М.У., Буланова З.Ш.  521604 «Бухгалтердик эсеп, талдоо жана аудит» адистигине дипломдук жумуштарды коргоо жана аларга даярдануу боюнча усулдук көрсөтмө (ББК 65.052 УДК 657 (07)) 2013г.

·         Усупов М.У., Муханбек уулу А. Экономикалык терминологиялык орусча-кыргызча сөздүк (ББК 65 УДК 657 (030))116-стр. 2013-ж.

·         Усупов М.У. “Маркетинг” лекциялар курсу Окуу куралы: 2015г. Стр-194.

·         Усупов М.У.  “Практикалык аудит”  лекциялар курсу Окуу куралы: 2017г. Стр-203.

Илимий-изилдөө иштери:

Азыркы учурда кафедрада 5 штаттык окутуучу илимий изилдөө иштерине тартылган жана иш алып барууда. Алардын ичинен: 2 илимий даражалуу илимдин кандидаттары, 2 окутуучу кандидаттык диссертациясын жакташып, ЖАК эксперттеринин кароосунда турат жана бир окутуучубуз ЖАМУнун аспиранты.

2010-2017-жылдар аралыгында кафедранын окутуучулары тарабынан 58 илимий макала жарык көргөн.

Кафедрада 2013-2017-окуу жылы ичинде 4 кандидаттык диссертация жакталды.

1.    Усупов Мелис Усенбаевич 2013-жылдын 25-октябрында «Развитие  организации и  управления инвестиционной деятельностью  субъектов  малого бизнеса  в жилищно-коммунальном хозяйстве» (на примере Жалал-Абадской области)» аттуу темада кандидаттык диссертациясын ийгиликтүү коргоп алды.

2.    Буланова Зуракан Шаакыевна 2016-жылдын 25-январында “Развитие организации бухгалтерского учета, анализа и аудита обязательств коммерческих предприятий” аттуу темада кандидаттык диссертациясын ийгиликтүү коргоп алды.

3.    Садыралиева Гулбайра Райымкуловна 2016-жылдын 28-октябрында «Эффективность совершенствования форм собственности в аграрной сфере (на примере Жалал-Абадской области)» аттуу темада кандидаттык диссертациясын ийгиликтүү коргоп алды.

4.    Субанов Бекжан Абдыжалилович 2017-жылдын 17-майында “Экономика адистиктеринин окуу процессинде маалыматтык-коммуникативдик технологияларды колдонуунун шарттары” аттуу темада кандидаттык диссертациясын ийгиликтүү коргоп алды.

Илимдеги жетишкендиктер жана грамоталар:

1.    Усупов Мелис Усенбаевич Илим күнүнө карата Ардак Грамота менен 02.11.2013-ж. Буйрук №254. сыйланган.

2.    Аскар Салымбеков тарабынын уюштурулган “Прогрессивдүү демилгелер фонду” АКЫЛ ТИРЕК наамы менен илимдеги жетишкендиктери жана мамлекеттеги орчундуу маселелерди чечүүдө өзгөчө сунуш жана алдыңкы идеяларын берип келе жаткандыгы, ошондой эле илимге кошкон салымы үчүн кафедра башчысы Усупов Мелис Усенбаевич 17-сентябрь 2014-жылы сыйланган.

Субанов Бекжан Абыжалилович Илим күнүнө карата Ардак грамота менен 2016-ж.Буйрук №356. сыйланган.