Тартип сакчылары студенттер менен жолугушту

Жалал-Абад шаардык ички иштер бөлүмүнүн кызматкерлери студенттер менен  жолугушуу өткөрдү. 

Окуу жайлар арасындагы рэкетчиликти, зордук-зомбулуктун алдын алуу, жаштар арасында болуп жаткан укук бузууларга, терс көрүнүштөргө студенттер менен  биргеликте күрөшүү максатында тартип сакчылары ЖАМУнун Жалал-Абад колледжинин студенттери менен жолгушуу өткөрдү.

Иш-чаранын жүрүшүндө мыйзамдардын өзгөчөлүктөрү, укук бузуулар үчүн жоопкерчиликтер, коомдук жерлерде жүрүм-турум эрежелерин сактоо тууралуу айтылды.

Андан соң студенттер менен милиция кызматкерлери арасында суроо-жооп уюштурулуп студенттер өздөрү кызыккан суроолоруна жооп ала алышты. Бул жаштар менен биргеликте иш алып барууну, тартипти көзөмөлгө алууга түрткү берет дешет.