Жаштар күнүнө жана 17-ноябрь студенттер күнүнө карата өткөрүлгөн салтанаттуу иш-чара

Жалал-Абад мамлекеттик университети уюштурган Жаштар күнү жана Студенттер күнү менен байланышкан салтанаттуу иш-чарада Агрардык-техникалык институту да активдүү катышты. Иш-чаранын алкагында институт жылдар бою топтогон жетишкендиктерин, сыйлыктарын жана студенттердин ар тараптуу ийгиликтерин алып барып, өзгөчө көргөзмө түрүндө көпчүлүктүн назарын бура алды.

Институттун активдүү студенттери коомдук иш-чараларда жана окуудагы жетишкендиктери үчүн ЖАМУнун ардак грамоталары менен жана Манас шаардык мэриясынын ыраазычылык каттары менен сыйланышты.

Институттун мыкты даярдыгы, билим менен чыгармачылыкты айкалыштырган эмгектери жана студенттердин өжөр эмгегинин жемиши болгон долбоорлор иш-чаранын маанайын байытып, жаштарды шыктандырып, конокторго чоң таасир калтырды.

Бул катышуу — Агрардык-техникалык институтунун билим сапатынын, тарбиялык ишмердүүлүгүн жана студенттердин потенциалын колдоодогу үзүрлүү аракетинин дагы бир айкын далили болду.